Vel heppnuð ferð á VÍS mót Þróttar

Eins og foreldrar vita þá var ákveðið fyrr í vetur að fara með lið á VÍS mót Þróttar í Reykjavík sem var haldið um síðustu helgi. 10 skráðu sig í ferðina og var lagt af stað um hádegi síðasta föstudag.

Lékum 3 æfingaleiki við KR á laugardeginum og 5 leiki í mótinu á sunnudeginum. Við kepptum í flokki A liða og því vorum við í öllum (að við höldum) tilvikum að keppa eingöngu við stráka af eldra árinu. En okkar drengir áttu fullt erindi á þetta mót og geta borið höfuðið hátt eftir helgina. Unnum 3 leiki, gerðum 1 jafntefli, töpuðum 2 leikjum mjög naumt og 2 aðeins stærra.

Eftir mótið var farið í sund, KFC og síðan ekið heim. Það voru afar þreyttir en glaðir drengir sem komu heim um miðnætti á sunnudegi, sumir án þess að sofna í bílunum á leiðinni heim.
Vel heppnuð ferð.

Tenglar