Æfingaleikur frestast um viku

Leikurinn sem við áttum að spila við Fjarðabyggð á miðvikudaginn frestast um viku vegna veðurs (veðurspár) og verður miðvikudaginn 7. nóvember kl. 16.30.

Farið frá Hettunni kl. 16.00 en mæting aðeins fyrr þar sem við sameinumst í bíla eins og kostur er.

Þeir sem geta mætt skrá sig í athugasemdum.

Tenglar

Æfingaleikur á Reyðarfirði!!!

Drengirnir munu spila æfingaleik við Fjarðabyggð á Reyðarfirði næsta miðvikudag (þann 31. október) kl. 16.30.

Tímasetningin ræðst af æfingatíma Fjarðabyggðardrengja.

Farið verður frá Hettunni kl. 16.00 þannig að við mætum rétt fyrir og sameinumst í bíla.

Drengirnir eiga að mæta klárir þannig að við getum byrjað að spila kl. 16.30!!!

Skráning í athugasemdum.

Kveðja,
Tenglar

Æfingaleikur á sunnudaginn!

Næsta sunnudag (21. október) verður æfingaleikir milli 6. flokks Hattar 

og 5. flokks Hattar á Fellavelli.

Frábær aukaæfing fyrir drengina svo við hvetjum þá til að fjölmenna.

Til að jafna leikinn þá verða fleiri í liði hjá 6. flokki!

 

Mæting kl. 14:00 stundvíslega.

Foreldrafjör í Fellum!!!

Sæl nú

Næsta laugardag verður foreldrafjör hjá 5. flokki!!!

Strákar og þeir sem að þeim standa (foreldrar, afa, ömmur eða aðrir) eiga að mæta á Fellavöll kl. 12.50 á laugardaginn og leika okkur aðeins undir stjórn Búa þjálfara!!!

Kakó og piparkökur í lok æfingar.

Kveðja,
Tenglar

ps:  Eins 3 hafa skráð sig í norðurferðina..... það er of lítið!!!  Koma svo!!!

Haustferð á Akureyri (UPPFÆRT)

Sæl nú

Stefnt er á að fara norður til Akureyrar helgina 9. - 10. nóvember nk. og keppa við Þór og KA. 

Farið verður af stað síðdegis á föstudegi og komið til baka um miðja dag á sunnudegi.  Þetta er liðsferð þannig að hópurinn er saman allan tíman og við gistum annað hvort í Þórs- eða KA- heimilinu. 

Gert er ráð fyrir að fara á einkabílum þannig að einhverjir foreldrar þurfa að taka að sér akstur. 

Við viljum biðja ykkur að skrá drengina í athugasemdir hér að neðan sem fyrst og eins væri gott að þeir sem geta keyrt meldi sig inn þar líka (síðasta lagi 9. nóvember).

Í liknum hér að neðan má sjá skipulag ferðarinnar í fyrra og svo ferðasöguna.  Þetta verður með svipuðum hætti núna.

http://5flkkhottur.blogcentral.is/blog/2011/11/21/akureyrarferd-25-27-november/

http://5flkkhottur.blogcentral.is/blog/2011/11/29/ferdasaga-akureyrarferd/

Kveðja,
Tenglar

Fundargerð foreldrafundar

Sæl nú

Á síðasta mánudag var haldinn foreldraflokkur hjá nýjum 5. flokki og var mæting bærileg en þó hefðum við viljað sjá fleiri.

Hér er stutt fundargerð

1) Innlegg frá þjálfara (kynning á vetrarstarfi, verkefni og tengd mál) 
·         Búi fór yfir skipulag æfingar og það sem er framundan.  Hann mun einn sinna þjálfun til að byrja með en þegar æfingasókn skýrist mun aðstoðarmanni verða bætt við ef þörf krefur.  Æfingar fara vel af stað og eru 14-16 að mæta en um 18-20 eru á skrá.
·         Verkefni haustsins eru hefðbundinn.  Stefnt er að fara eina helgi til Akureyrar þegar líða tekur á haustið og spila við norðanmenn og fara svo á Eimskipsmót í Fjarðabyggð.

2) Kosning tengla (kjósa þarf tengil til tveggja ára hjá 2002 árg. skv. Vegvísi félagsins)
·         Kjósa þurfti tengil hjá yngri ára skv. Vegvísi, en Hilmar gaf ekki kost á sér.  Til starfans völdust Helgi (pabbi Alvars) og Þórir (pabbi Arnars) og ætla þeir að skipta með sér verkum.
·         Ákveðið var að bæta við tengli hjá eldra ári líka en til viðbótar við undirritaðan kemur Þórunn Brynjar (mamma Guðþórs Hrafns).
·         Við erum því með fjóra tengla sem starf fyrir flokkinn en rétt er að geta að einungis 2 hafa atkvæðisrétt inn á tenglafundum, einn fyrir hvorn árgang.
·         Mikilvægt er að foreldrar séu virkir í starfinu og viljugir til verka. 

Eflaust var eitthvað fleira rétt sem ég er að gleyma en þetta voru stóru málin. 

Við minnum svo á heimasíðu flokksins þar sem menn geta fylgst með starfinu og biðjum menn endilega að kommenta eftir því sem við á til að gera þetta dálítið lifandi.
Þar má finna upplýsingar um þjálfara, tengla og æfingartíma, auk gamalla mynda úr starfi flokksins á undanförnum árum.

www.hottur.blog.is

Tenglar munu svo láta heyra í sér fljótlega en þið verðið endilega í sambandi ef einhverjar spurningar vakna eða athugasemdir.

Kveðja,
Maggi Jóns (pabbi Brynjars Þorra)