Núna breytum við um hugarfar

Sælir strákar

Núna er Goðamótið búið og hægt er að segja að úrslitin voru ekki okkur í hag. En það er ekki alltaf númer 1,2 og 3 í þessu. Mikilvægast er að hafa gaman og held ég að allir skemmtu sér vel þrátt fyrir úrslitin, þið voruð allavega hressir á æfingu í dag og voru allir sammála um að ferðinn hafi verið skemmtileg.

Við töluðum svolítið lengi saman á æfingu í dag og veltum því fyrir okkur afhverju við vorum að tapa svona stórt í leikjunum. Þið komuð með marga góða punkta og þessa punkta ætlum við að bæta okkur í.

Það sem við ætlum að gera á æfingum:

 

• Leggja okkur alltaf 100% fram á æfingu
• Vera jákvæðir og hjálpa félaganum
• Gera allar æfingar á fullu
• Vera einbeittir
• Vera duglegir að hrósa hinum

 

Það sem við ætlum að hugsa um á æfingum:

 

• Það nær enginn af mér boltanum
• Ég ætla ekki að láta neinn sóla mig
• Ég ætla alltaf að skora þegar ég get
• Ég ætla alltaf að dekka í vörn og vera fljótur að ná boltanum af hinum
• Ætla alltaf að gera góðar sendingar
• Ég ætla að vera bestur á æfingunni

 

Það sem við ætlum EKKI að gera á æfingum:

 

• Vera neikvæðir
• Tuða í félaganum
• Fíflast
• Gera æfingar labbandi og með hálfum hug

 

Eins og við ákváðum á æfingu í dag þá ætlum við að laga þetta. Æfingin í dag gekk líka rosalega vel, allir voru á fullu, hlupu mikið, dekkuðu þegar þeir voru í vörn og lögðu sig 100% fram í að vinna leikina þegar við vorum að spila. Og öllum fannst mjög gaman á æfingunni því allir tóku svo vel á því. Svona eiga allar æfingar að vera og ætlum við að hafa það þannig hér eftir. Því þannig verðum við betri í fótbolta.

Þótt við eigum heima á Egilsstöðum þá getum við alveg verið jafn góðir og aðrir strákar í fótbolta, og miklu betri. En til þess að verða betri þurfum við að leggja okkur fram á æfingum...þannig verðum við betri. Maður verður ekki betri á að hugsa um það, maður þarf að æfa sig.

Hlökkum til að sjá ykkur á næstu æfingu þar sem allir ætla að leggja sig 100% fram.

Kv Þjálfarar

P.S. Foreldrar – ekki hika við að senda okkur spurningar eða spjalla við okkur ef það er eitthvað sem þið eruð að spá í, bæði í sambandi við mótið eða bara almennt. Við heyrum oft sögusagnir um hitt og þetta eða að fólk sé að spá í hinu og þessu en það er mjög sjaldan haft samband við okkur sjálfa. Það er svo gott vera í góðu sambandi við foreldra. Teljum við það mjög mikilvægt stákanna vegna. 

Æfingaleikur Miðvikudaginn 23.mars fyrir Goðamótsfara

Sælir strákar

Þeir sem eru að fara á Goðamótið um helgina eiga að keppa æfingaleik við Fjarðabyggð á Miðvikudaginn.

Leikirnir verða á vellinum okkar í Fellabæ og byrja klukkan 18:00. Mæting ekki seinna en 18:15.

Við ætlum að spila þessa leiki svo strákarnir sem eru að fara á Goðamótið geti æft sig smá saman að spila.

Þeir sem komast þurfa að skrá sig í komment hér fyrir neðan svo við Jói getum búið til lið. Menn verða að láta vita hvort menn komast eða komast ekki. Ef einhverjir eru á öðrum æfingum eða eitthvað svoleiðis fá menn bara frí á það til þess að geta spilað æfingaleikinn. Mikilvægt að allir sem eru að fara norður komi. 

Muna: Mæting ekki seinna en 18:00. Spilum klukkan 18:15 og eftir leikina verður smá fundur í búningsklefanum um ferðina á Goðamótið.

Hlökkum til að sjá ykkur.

Kv Þjálfarar

P.S. Muna að skoða síðustu bloggfærslur. Þær eru mikilvægar og allir þurfa að lesa þær vel 

VÍS mót Þróttar í Reykjavík 28. og 29. maí 2011 - aukamót fyrir þá sem vilja!

Á foreldrafundi mánudaginn 14. mars 2011 var ákveðið að fara á mót á Sauðárkróki í 6. flokki karla í stað Nikulásarmóts eins og síðustu ár. Mótið á Sauðárkróki verður helgina 6. og 7. ágúst n.k. Einnig munum við að sjálfsögðu mæta á Fjarðaálsmótið í byrjun maí og Hattarmótið í júní.

Á foreldrafundinum kom upp umræða um áhuga á að fara á VÍS mótið í Reykjavík sem Þróttur Reykjavík heldur dagana 28. og 29. maí n.k.

Tenglar hafa skoðað málið, tekið frá sæti á mótinu og ákveðið að kanna hvort nægilegur áhugi sé á ferð á það mót. Skrá þarf þátttöku hér neðar í athugasemdir með hefðbundnum hætti sem allra fyrst, eigi síðar en 23. mars. Mótið er þannig sett upp, að einungis er leikið á sunnudeginum hjá 6. flokki karla. Hugsunin er sú, að nægilegt sé að 2-4 foreldrar (fer eftir fjölda bíla) fari með, en almennt standi fólki til boða að senda iðkandann með án þess að þurfa sjálft að fara líka. Það þýðir að við þurfum sjálfboðaliða til að leggja til bifreið og ökumann, en gert er ráð fyrir því að einungis bensínkostnaður sé greiddur, að öðru leyti leggja menn tíma sinn og bifreið fram endurgjaldslaust. Einnig er gert ráð fyrir að fararstjórar greiði fyrir sýna gistingu og sinn mat!

Okkur sýnist unnt að búa til mjög spennandi og skemmtilega ferð fyrir strákana, en eðli málsins samkvæmt kostar hún umtalsvert vegna fjarlægðarinnar eða  24.500 kr. Innifalið í því væri:

1. Þátttökugjald liðs (3.500 kr. per lið)
2. Þátttökugjald iðkanda (1.500 kr. per iðkanda)
3. Ferðakostnaður til og frá Reykjavík og innan Reykjavíkur.
4. Gisting í Farfuglaheimilinu í Laugardal í tvær nætur (við munum kanna hvort unnt sé að fá ódýrari gistingu t.d. í skóla eða félagsheimili) – 3.500 per þátttakanda.
5. Matur laugardag og sunnudag.
6. Tvær ferðir í sund
7. Klukkustund í Keiluhöllinni (laugardagur)
8. Miði á bíósýningu að vali fararstjóra (laugardagur)

Við viljum biðja ykkur um að skrá þátttöku iðkenda hér í athugasemdum við þessa frétt eigi síðar en miðvikudaginn 23. mars n.k. Endanlegt greiðslufyrirkomulag verður auglýst síðar. 

Fótboltakveðja,

Tenglar.

Fimmtudaginn 17.mars - ÚTIÆFING á Fellavelli

Næstkomandi Fimmtudag, 17.mars, ætlum við að æfa á Fellavelli. Skólahreysti er búið að taka íþr.húsið yfir og verður því íþr.húsið lokað á Fimmtudaginn.

Það er flott að fá eina útiæfingu í staðin, munið bara að klæða ykkur eftir veðri.

Æfingin er á sama tíma og venjulega eða klukkan 15:00 - 16:00.

Sjáumst á Fellavelli

Kv Þjálfarar 

P.S. Munið að skoða Goðamóts fréttir hér fyrir neðan. 

Goðamót - fréttir

Sæl öll

Hér fyrir neðan eru skráningarnar á Goðamótið en 18 strákar ætla norður og erum við skráðir með 2 lið.
 

	Iðkandi		Árgerð	Skráning Goði
1	Alexander I. Gunnþórsson (Seyðisf.) .....		2001	Skráður
2	Almar Aðalsteinsson ................................		2002	Skráður
3	Arnar Þórisson ...........................................		2002	Skráður
4	Brynjar Berg Tumason ............................		2001	Skráður
5	Brynjar Þorri Magnússon .........................		2001	Skráður
6	Daníel Ingi Davíðsson ..............................		2002	Skráður
7	Gunnþór Elís Georgsson .........................		2002	Skráður
8	Helgi Jónsson ...........................................		2002	Skráður
9	Hrafkell Ísar Tjörvason .............................		2002	Skráður
10	Jóhann Ingi Magnússon ..........................		2001	Skráður
11	Jónas Pétur Gunnlaugsson .....................		2001	Skráður
12	Kristinn Viktor Helgason ..........................		2002	Skráður
13	Óðinn Skúli Árnason .................................		2002	Skráður
14	Óliver Enok Guðmundsson .....................		2002	Skráður
15	Sölvi V. Heiðarsson ...................................		2001	Skráður
16	Valdimar Brimir Hilmarsson ....................		2002	Skráður
17	Valgeir Jökull Brynjarsson .......................		2001	Skráður
18	Vignir Freyr Magnússon ..........................		2001	Skráður

Við gerum ráð fyrir að allir/langflestir strákanna gisti í Glerárskóla (ásamt nokkrum pöbbum).

Kostnaðurinn verður 10.000 kr. á keppanda og innifalið í því er allur kostnaður við mótið (skráningargjald, fæði, gisting, sund, ís og fleira). 
Þetta þarf að leggja inn á reikning flokksins 305-26-517. kt. 420786-1159, sem fyrst!!!

Til viðbótar þurfa strákarnir að hafa vasapening (1000-1500 kr.) því við ætlum að gera eitthvað skemmtilegt á laugardeginum, fara í keilu, bío eða á skauta (kemur í ljós).

Við munum svo kaupa ávexti og drykki til að hafa sem hressingu en við skulum gera ráð fyrir að flokkurinn borgi það (það væri gott að fá einhverja hagsýna húsmóður (eða húsföður ef hann er til) til að taka að sér að sjá um þetta).

Þá er viðhangandi handbók um Goðamótið þar sem helstu upplýsingar koma fram en leikjaplanið kemur væntanlega inn á heimasíðu mótsins í vikunni http://www.godamot.blog.is/blog/godamot/

Við sendum frekari upplýsingar þegar nær dregur.

Áfram Höttur – skjóta skora!!!
Tenglar

Skrár tengdar þessari bloggfærslu:

• Goðamót handbók

FORELDRAFUNDUR

Sælir kæru foreldrar 

Boðað er til foreldrafundar 6. flokks karla! 

Hettan
kl. 20.00
Mánudaginn 14. mars 2011 

Dagskrá: 

1)  Gangurinn í starfi flokksins (þjálfari fer yfir málin ásamt tenglum).

2)  Verkefni sumarsins (þjálfari fer yfir hugmyndir um mót fyrir flokkinn í sumar).

3)  Önnur mál

4)  Goðamót 2011 (foreldra iðkenda sem fara norður sitja eftir við ræðum praktísk mál). 

Skyldumæting!!! 

Kveðja,
Tenglar