Foreldrafjör í Fellum!!!

Sæl nú

Næsta laugardag verður foreldrafjör hjá 5. flokki!!!

Strákar og þeir sem að þeim standa (foreldrar, afa, ömmur eða aðrir) eiga að mæta á Fellavöll kl. 12.50 á laugardaginn og leika okkur aðeins undir stjórn Búa þjálfara!!!

Kakó og piparkökur í lok æfingar.

Kveðja,
Tenglar

ps:  Eins 3 hafa skráð sig í norðurferðina..... það er of lítið!!!  Koma svo!!!

Haustferð á Akureyri (UPPFÆRT)

Sæl nú

Stefnt er á að fara norður til Akureyrar helgina 9. - 10. nóvember nk. og keppa við Þór og KA. 

Farið verður af stað síðdegis á föstudegi og komið til baka um miðja dag á sunnudegi.  Þetta er liðsferð þannig að hópurinn er saman allan tíman og við gistum annað hvort í Þórs- eða KA- heimilinu. 

Gert er ráð fyrir að fara á einkabílum þannig að einhverjir foreldrar þurfa að taka að sér akstur. 

Við viljum biðja ykkur að skrá drengina í athugasemdir hér að neðan sem fyrst og eins væri gott að þeir sem geta keyrt meldi sig inn þar líka (síðasta lagi 9. nóvember).

Í liknum hér að neðan má sjá skipulag ferðarinnar í fyrra og svo ferðasöguna.  Þetta verður með svipuðum hætti núna.

http://5flkkhottur.blogcentral.is/blog/2011/11/21/akureyrarferd-25-27-november/

http://5flkkhottur.blogcentral.is/blog/2011/11/29/ferdasaga-akureyrarferd/

Kveðja,
Tenglar

Fundargerð foreldrafundar

Sæl nú

Á síðasta mánudag var haldinn foreldraflokkur hjá nýjum 5. flokki og var mæting bærileg en þó hefðum við viljað sjá fleiri.

Hér er stutt fundargerð

1) Innlegg frá þjálfara (kynning á vetrarstarfi, verkefni og tengd mál) 
·         Búi fór yfir skipulag æfingar og það sem er framundan.  Hann mun einn sinna þjálfun til að byrja með en þegar æfingasókn skýrist mun aðstoðarmanni verða bætt við ef þörf krefur.  Æfingar fara vel af stað og eru 14-16 að mæta en um 18-20 eru á skrá.
·         Verkefni haustsins eru hefðbundinn.  Stefnt er að fara eina helgi til Akureyrar þegar líða tekur á haustið og spila við norðanmenn og fara svo á Eimskipsmót í Fjarðabyggð.

2) Kosning tengla (kjósa þarf tengil til tveggja ára hjá 2002 árg. skv. Vegvísi félagsins)
·         Kjósa þurfti tengil hjá yngri ára skv. Vegvísi, en Hilmar gaf ekki kost á sér.  Til starfans völdust Helgi (pabbi Alvars) og Þórir (pabbi Arnars) og ætla þeir að skipta með sér verkum.
·         Ákveðið var að bæta við tengli hjá eldra ári líka en til viðbótar við undirritaðan kemur Þórunn Brynjar (mamma Guðþórs Hrafns).
·         Við erum því með fjóra tengla sem starf fyrir flokkinn en rétt er að geta að einungis 2 hafa atkvæðisrétt inn á tenglafundum, einn fyrir hvorn árgang.
·         Mikilvægt er að foreldrar séu virkir í starfinu og viljugir til verka. 

Eflaust var eitthvað fleira rétt sem ég er að gleyma en þetta voru stóru málin. 

Við minnum svo á heimasíðu flokksins þar sem menn geta fylgst með starfinu og biðjum menn endilega að kommenta eftir því sem við á til að gera þetta dálítið lifandi.
Þar má finna upplýsingar um þjálfara, tengla og æfingartíma, auk gamalla mynda úr starfi flokksins á undanförnum árum.

www.hottur.blog.is

Tenglar munu svo láta heyra í sér fljótlega en þið verðið endilega í sambandi ef einhverjar spurningar vakna eða athugasemdir.

Kveðja,
Maggi Jóns (pabbi Brynjars Þorra)

FORELDRAFUNDIR!!!

Blásið verður til foreldrafunda í Hettunni á næsta mánudagskvöld (þann 24. september).

Kl. 19.30 - Gamli 5. flokkurinn (árg. 2000 og 2001)

Dagskrá:
1) Skýrsla tengla (starfið og peningarnir)
2) Skýrsla þjálfara
3) Önnur mál

Kl. 20.30 - Nýi 5. flokkurinn (árg. 2001 og 2002

Dagskrá:
1) Innlegg frá þjálfara (kynning á vetrarstarfi, verkefni og tengd mál)
2) Kosning tengla (kjósa þarf tengil til tveggja ára hjá 2002 árg. skv. Vegvísi félagsins)
3) Önnur mál

LOKAHÓF YNGRI FLOKKA (sameiginlegt)

Sæl kæru foreldrar.

Laugardaginn næstkomandi (15. september) verður sameiginlegt lokahóf yngri flokka félagsins í knattspyrnu. Sumir flokkar hafa þegar haldið sín sérstöku lokahóf og aðrir eiga það eftir. Vegna reglna um fyrirmyndarfélög ÍSÍ verða ekki sérstakar viðurkenningar til einstaklinga elstu flokka eins og oft hafa verið. Við erum að hittast til að eiga góða stund saman og þakka fyrir samferðina á liðinu starfsári.

Dagskrá lokahófsins er svofelld:

Kl. 13.00              Mæting í Valaskjálf

Kl. 13.05              Ávarp Eysteins þjálfara mfl. karla og landshlutaþjálfari hjá KSÍ, + annað örstutt ávarp

Kl. 13.15              Veitingar

Kl. 13.35              Undirbúningur fyrir skrúðgöngu, farið í búninga.

Kl. 13.45              Gengið fylktu liði inn á Vilhjálmsvöll þar sem leikur Hattar og Leiknis hefst kl. 14.

Kl. 14.45              Í hálfleik verða yngri flokkar hylltir af áhorfendum, farið yfir það helsta í starfi hvers flokks. Krakkarnir eiga að safnast saman neðst í áhorfendabrekkunni (ekki fara inn á hlaupabrautina fyrr en við leyfum) þegar flautað verður til hálfleiks. Við lok þeirrar dagskrár mun formaður yngri flokka Hattar afhenda formanni Hattar eða fulltrúa hans stórglæsilega ljósmynd frá myndadeginum mikla sem hefur verið fundinn staður í Hettunni. Krakkarnir eiga að vera á hlaupabrautinni þangað til myndataka af afhendingu myndarinnar er lokið!

Við vonum að allir horfi á seinni hálfleikinn í þessum spennandi leik, en formlegri dagskrá lokahófsins er lokið eftir afhendingu myndarinnar.

Það er frítt fyrir 16 ára og yngri á leikinn hjá Hetti auk þess sem allir iðkendur knattspyrnudeildar fá frítt inn á hann, sama á hvaða aldri þeir eru. Á lokahófinu verða seldir miðar í forsölu fyrir foreldra sem ekki eiga ársmiða og verða þeir á kr. 1.000 (verð í almennri sölu er kr. 1.500). Þeir sem vilja ekki fara á leikinn / eða vilja ekki borga sig inn á hann geta komið í hálfleik. En kæra foreldri, ef þú ætlar einhvern tíma á fótboltaleik hjá meistaraflokki, farðu á þennan leik – strákarnir þurfa allan þann stuðning sem hægt er að veita.

Það eru allir hvattir til að mæta í hvítri yfirhöfn / treyju. Næstbest er að vera í rauðri yfirhöfn.

Kveðja,
Tenglar

Æfingar hefjast hjá nýjum 5. flokki!!!

Sæl öll

Í dag hefjast æfingar hjá nýjum 5. flokki, sem saman stendur af árgangi 2001 og 2002.   

Allar æfingar vetrarins verða á Fellavelli og eru upplýsingar um æfingar hér vinstra meginn á blogginu en hann verður líka sendur út í tölvupósti og má jafnframt finna í Dagskránni.   

Þjálfari flokksins er Búi og mun hann kalla til aðstoðarmenn eftir þörfum þegar endanlegur fjöldi skýrist.  
 

Búið er að gefa út nýja tímatöflu hjá strætó og á hún að passa vel með æfingatöflu flokksins, en hana er hægt að nálgst á heimasíðu sveitarfélagsins www.fljotsdalsherad.is.

 

Samskipti tengla og þjálfara við ykkur foreldra í vetur mun að mestu leiti fara fram á bloggsíðu flokksins og því biðjum við ykkur að fylgjast vel með þessari síðu.  

Foreldrafundur verður haldinn fljótlega þar sem skipað verður í hlutverk tengla og starfið kynnt nánar.

Æfingaplan vikunnar og úrslit hjá A liði

1)  Skipulag æfingar næstu viku
Æfingar 5. flokks þessa viku (27. til 30. ágúst) verður þannig að við æfum á Fellavelli kl. 16.15.

Í vikunni þar á eftir (3. til 7. september) verður svo haustfrí og menn ganga svo upp á milli flokkar og hefja vetrarstarfið mánudaginn 10. september og þá tekur vetrartímaseðilinn gildi (verður sendur út í vikunni).

2)  Úrslit Íslandsmóts A liða
Úrslitaleikur KA og Hattar um sæti í úrslitum Íslandsmóts A liða fór fram á Mývatni í gær og sigruðu okkar menn 8-0.  Við erum því að fara suður um næstu helgi og spila í loka úrslitum Íslandsmótsins ásamt 11 öðrum liðum og verður leikið í 3 riðlum.  Okkar riðill verður á Stjörnuvelli í Garðabæ.

Það er ljóst að einungis 10 strákar munu fara suður og er gert ráð fyrir að við fljúgum suður í hádeginu á föstudaginn (12.25) og komum til baka með vélinni kl. 12.45 á sunnudaginn.

Búi ákveður liðið í dag og við munum senda póst út á þá sem fara með nánara skipulag.

Liðsfundur í Hettunni (allir eiga að mæta)

Það er liðsfundur hjá drengjunum á morgun (föstudag 24. ágúst) í Hettunni kl. 14.30 og það eiga ALLIR að mæta!!!

Aukaúrslit A liða - leikur á Mývatni sunnudaginn 26. ágúst kl. 14.00

Nú er línur farnar að skýrast varðandi Íslandsmót 5. flokks og ljóst að B og C liðin hjá okkur hafa lokið leik.

A liðið er hins vegar komið áfram og þar að leika úrslitaleik við efsta lið úr riðli E2 sem er fámennari lið af norðurlandi ásamt lakari liðum frá KA og Þór. 

Þessi leikur mun fara fram á sunnudaginn næsta (þann 26. ágúst) á Mývatni (Krossmúlavelli) kl. 14.00.  Líklegir andstæðingar eru KS, Dalvík eða KA. 

Sigurvegarar leiksins fara í úrslitakeppni Íslandsmótsins þar sem 12 lið leika til úrslita í 3 riðlum.  Þeir leikir varða spilaði helgina 1. og 2. september en leikstaðir liggja ekki fyrir.  Þetta verðu nánar kynnt síðar ef til kemur.

Eftirtaldir leikmenn hafa verið valdir til að fara norður eru.

1) Brynjar Þorri
2) Guðjón Ernir
3) Ísar Karl
4) Jakob Jóel
5) Kristinn Már
6) Ólafur Sveinmar
7) Stefán Ómar
8) Sveinn Gunnþór
9) Sölvi Víkingur

Þessi póstur fer sem frétt inn á bloggið og menn eru beðnir að staðfesta þar í athugasemdum að menn geti mætt (mikilvægt).

Varðandi ferðir þá gerum við ráð fyrir að menn sameinist í bíla og því er þeir sem geta farið á bíl og tekið farþega eða þurfa far beðnir um að láta vita í athugasemdum á blogginu.  Þeir sem þiggja far greiða bílstjóra 2.000 kr. í upphafi ferðar.

Menn þurfa að vera mættir og klárir í slaginn kl. 13.00 en þá tekur Búi á móti leikmönnum á leiksstað.

Íslandsmót lokaleikir (skráning)

Nú eru 5. flokks drengir mættir aftur til æfinga eftir gott frí og okkar bíða lokaleikir Íslandsmótsins við Tindastól á Sauðárkróki, sunnudaginn 19. ágúst, og Völsung á Húsavík, mánudaginn 20. ágúst. 

Ætlunin er að taka þessa leiki í einni ferð þannig að farið verði norður á Krók sunnudaginn 19. ágúst og spilað, síðan myndum við gista annað hvort á Króknum eða á Akureyri og spila svo við Völsung um miðjan dag á mánudeginum.   

Menn þurfa að skrá sig sem fyrst hér í athugasemdum og eins væri gott að heyra hvaða foreldrar hafa tök á að að taka að sér akstur og/eða fararstjórn (ekki búið að ákveð hvort við förum á rútu eða einkabílum). 

A liðið á enn möguleika á að komast í úrslitakeppni Íslandsmótsins en 3 lið fara áfram úr norð-austur riðlinu og erum við í baráttu við KA menn um lokasætið.  Nánar um það síðar. 

Í lok sumars munum við svo slútta tímabilinu með pompi og prakt og gerum okkur þá glaðan dag.  Það verður auglýst þegar nær dregur.