Glæsilegur árangur á Íslandsmóti

A og B lið 6. flokks léku í úrslitakeppni Íslandsmótsins laugardaginn 20. ágúst sl. Fyrirkomulagið er þannig í þessum flokki að mótinu er landshlutaskipt, þ.e. norður- og austurland spila saman og suður- og vesturland spila saman. Það verða því tvö lið meistarar í þessum flokki. Bæði A og B lið okkar tryggðu sér þátttökurétt í úrslitakeppninni með góðum árangri í undanriðlinum á Austurlandi í júní. Okkar strákar stóðu sig frábærlega í úrslitakeppninni, A liðið lenti í 2. sæti, sigraði 2 leiki í úrslitakeppninni og tapaði bara fyrir KA sem urðu meistarar. B liðið lenti í 3. sæti, á eftir KA og Þór frá Akureyri. Sannarlega flott frammistaða hjá strákunum.

Húsavíkurmót sunnudaginn 28. ágúst. Skráningar!

Sunnudaginn 28. ágúst n.k. verður Húsavíkurmótið haldið sem síðustu ár hefur verið kennt við Eimskip. Þátttökugjald er kr. 1.500 á þátttakanda. Mótið hefst kl. 12 og áætlað er að því ljúki um kl. 16-17.

Biðjum ykkur að skrá ykkur hér í athugasemdakerfinu, en verðum að hafa fjöldann á hreinu 20. ágúst n.k. til að vita hvað við getum skráð mörg lið. Leggið samhlið inn kr. 1.500 inn á reikning 305-26-517, kt. 420786-1159.

Tenglar. 

Króksmót 2011 (UPPFÆRT) - Skráning

Króksmótið verður haldið dagana 5. - 7. ágúst (föstudagur til sunnudags).  Samkvæmt dagskrá mótsins hefst keppni ekki fyrr en á laugardagsmorgni þannig að það dugar mönnum að mæta á svæðið á föstudagskvöldið (sjá dagskrá á heimasíðu).

http://www.tindastoll.is/index.php?pid=1843

Við þurfum að ganga frá skráningum fyrir mótið um næstu helgi og því viljum við biðja ykkur að skrá strákana í athugsemdum hér fyrir neðan, fyrir lok vikunnar!!!

Þetta er aðalmót strákanna þetta árið og því leggjum við áherslu á að sem flestir mæti og helst viljum við vera með 3 lið.

Þátttökugjaldið verður ca. 9.000 kr. per iðkanda en við gerum ráð fyrir að sameiginlegur sjóður greiði það niður. 

Þið þurfið hins vegar að greiða 2.000 kr. staðfestingargjald inn á reikning flokksins (305-26-517 kt. 420786-1159) samhliða skráningunni og við sjáum svo til hvað þarf að greiða til viðbótar þegar skýrist hvað margir fara og hvað við eigum í sjóði.

Það er í boði að strákarnir gisti saman og við þurfum því að ákveða hvort þetta er "gistimót" (allir gista saman með liðsstjórum) eða "útilegumót" (allir gista í með foreldrum).  Reynslan segir okkur að það er ekki gott að hluti hópsins gisti og hluti sé í útilegu, þannig að það væri gott að þið létuð upplýsingar um það fylgja þegar þið skráið ykkur (Dæmi:  Hilmar og Magnús mæta  - gista með foreldrum).

Upplýsingar um mótið er á slóðinni en nánari upplýsingar um mótið koma svo væntanlega inn fljótlega. 

http://www.tindastoll.is/index.php?pid=1841 

Kveðja,
Tenglar

Nettir á Nikulásarmóti

Eins og foreldrar vita sendum við eitt "systkinalið" í 6. flokki á Nikulásarmótið um síðustu helgi. Í því voru sjö strákar og ein stelpa og áttu nær allir systkini í 7. flokki félagsins sem var þarna með allan sinn hóp, eða því sem næst.

Okkar mönnum gekk vel, þeir tóku framförum í mótinu og voru flokkinum og félaginu til sóma. 

Æfingar á Vilhjálsvelli!!!

Sæl öll. Skilaboð frá þjálfurum!!! 

Í dag og á morgun (13. og 14. júlí) verður Fellavöllur lokaður vegna viðhalds. 

Æfingar hjá 6. flokks verða því á Vilhjálmsvelli umrædda daga. 

Kveðja,
Tenglar

Sumarhátíðarmót UÍA - mikilvægar upplýsingar (kl. 17:15, föstud. 8. júlí)

BREYTT HEFUR VERIÐ UM KEPPNISSTAÐ OG MÆTING KL. 12.30.
Tilkynnt hefur verið að mótið fari fram á grassvæðinu við Vilhjálmsvöll. Það hefst kl. 13.00. Ekki liggur fyrir nákvæm niðurröðun leikja en vitað er að 7. flokkur mun einnig keppa á mótinu. Því verður það e.t.v. aðeins lengra en áður var talið. Við reiknum með að eiga fyrsta leik og því er mæting EKKI SÍÐAR en kl. 12.30 VIÐ NORÐURENDA VILHJÁLMSVALLAR (við grassvæðið sem keppt verður á í fótboltanum). Sjáumst hressir og sprækir.

Knattspyrnumót á Sumarhátíð UÍA

Á sumarhátíð UÍA sem fram fer um næstu helgi verður knattspyrnumót fyrir 6. flokks krakka. Keppt verður í blönduðum liðum, þ.e. heimilt er að skrá stelpur og stráka saman í lið.

Eins og fram hefur komið í tölvupóstum til foreldra er þetta mót opið fyrir þá sem vilja. Skrá þarf lið í síðasta lagi annað kvöld (miðvikudaginn 6. júlí) svo þeir sem hafa áhuga á að vera með eru beðnir um að skrá sig hér í athugasemdakerfinu eins og venjulega.

Það kostar 2.000 kr. að taka þátt í sumarhátíð UÍA per barn, en gegn greiðslu þess gjalds má viðkomandi barn taka þátt í eins mörgum greinum og það kýs. Þannig að þeir sem hafa þegar ákveðið að keppa á sumarhátíðinni þurfa ekki að greiða aukalega fyrir þátttöku í fótboltamótinu.

Íslandsmótið - myndir komnar á netið

Flottur dagur hjá Hetti í 6. flokki karla í dag. Vorum með þrjú lið í Íslandsmótinu, annað B liðið gerði sér lítið fyrir og sigraði báða leikina sína örugglega og þar með B liða keppnina, en hitt B liðið stóð sig líka vel og átti flotta spretti, m.a. þegar Guðni skoraði eftir frábært þríhyrningsspil við Helga. Ásgeir og Daníel voru öflugir í vörninni og þeir Tiago, Óðinn, Arnar og Bjarki voru gríðarlega duglegir. A liðið stóð sig ekki síður vel, þeir unnu Sindra og gerðu jafntefli við Fjarðabyggð/Leikni þar sem þeir voru afar óheppnir að halda ekki forskotinu út leikinn. En sannarlega vel af sér vikið strákar, vonandi haldið þið áfram að taka svona miklum framförum. Þið hljótið að vera að leggja ykkur fram á æfingum.Það eru komnar 350 myndir af mótinu í dag á netið sem þið hafið örugglega gaman af strákar. Það er aldrei hægt að hafa jafnmargar myndir af öllum, en ég lofa ykkur því að það eru margar myndir af ykkur öllum þarna. Ef þið viljið eiga einhverja af þessum myndum þá er öllum frjálst að "download-a" þeim. Slóðin er: 

http://gallery.me.com/hilmargunnlaugsson#100063&view=grid&bgcolor=black&sel=197

Við munum svo síðar í vikunni kynna fyrir ykkur hvað verður á dagskrá út starfsárið (sumarið), en aðalmótið er helgina eftir verslunarmannahelgi og þangað leggjum við mesta áherslu á að fá ykkur strákar, ef þið mögulega getið. En það verður ýmislegt meira gert til gamans.  

Íslandsmótið fært á Fellavöll

Íslandsmótið - sem vera átti á Seyðisfirði á morgun, þriðjudaginn 28. júní - hefur verið fært á Fellavöll. Þá hefur Huginn dregið lið sitt úr mótinu, þannig að einungis 3 lið keppa í A liðum og 3 lið í B liðum. Við verðum með eitt A lið og tvö B lið.

Leikjaniðurröðun er svofelld (einnig hægt að skoða á vef KSÍ): 

A lið:

1	þri. 28. jún. 11	kl. 14:00	Sindri - Höttur	Fellavöllur
2	þri. 28. jún. 11	kl. 15:10	Fjarðabyggð/Leiknir - Sindri	Fellavöllur
3	þri. 28. jún. 11	kl. 16:20	Höttur - Fjarðabyggð/Leiknir	Fellavöllur

 B lið:

1	þri. 28. jún. 11	kl. 14:35	Höttur 2 - Höttur	Fellavöllur
2	þri. 28. jún. 11	kl. 15:45	Fjarðabyggð/Leiknir - Höttur 2	Fellavöllur
3	þri. 28. jún. 11	kl. 16:55	Höttur - Fjarðabyggð/Leiknir	Fellavöllur

 

Frábært Hattarmót - myndir

Jæja strákar, frábært mót hjá ykkur um helgina, flottir leikir og mikið fjör. Tenglar voru með mann í myndatöku (af öllum liðum) og þeir sem vilja skoða myndirnar geta farið inn á síðuna: http://gallery.me.com/hilmargunnlaugsson. Síðan koma þær vonandi á www.fotbolti.net fljótlega. Takk fyrir mótið, sjáumst á æfingu á mánudaginn og mótinu á þriðjudaginn.Tenglar.